Federata e Sindikatave të Shëndetësisë së Kosovës, ka reaguar duke thënë se situata me COVID-19 është duke dal jashtë kontrollit.
Sipas FSSK-së, situata po del jashtë kontrollit, pikërisht për shkak të politikës.
FSSK-ja ka thënë se në rast që masat nuk ndiqen nga Qeveria dhe nga opozita, atëherë Kosova do të rrezikohet të bëhet Ëuhani i Ballkanit.
“Të nderuar qytetarë të Republikës së Kosovës duke qenë para një kollapsi në shëndetësi ju njoftojmë se situata është duke dalur jashtë kontrrollit dhe kjo falë politikave të ndyra të gjitha partive politike. Të gjitha këto veprime burokratike nga pozita dhe opozita në emër të të ashtuquajturave ligje është duke e përshkallëzuar situatën e keqe me COVID-19. Në këtë situatë FSSHK edhe njëherë bën apel që të DËGJOHEN profesionistët shëndetësor të IKSHPK-së, apelet e Prof. Dr. Lul Rakës dhe të njerëzve që po merren direkt me luftimin e Pandemisë, e kursesi të mos dëgjohen Komisionet Ad-hoc të formuara nga politika”.
Ministër Zemaj, asnjë justifikim politik nuk vlen në këtë kohë nëse ju e bëni në bazë të burokracisë dhe veprimeve partiake. FSSHK edhe njëherë alarmon që nëse Qeveria aktuale dhe partitë politike pozitë dhe opozitë nuk veprojnë në lidhje me Pandeminë COVID-19 neve do të jemi Ëuhan i Ballkanit”, thuhet tutje.
FSSHK rekomandon:
- Të rritet numri i testimeve urgjentisht(të mos priten donatorët);
- Të bëhen testet nëpër Komuna dhe institucione private;
- Të dyfishohet buxheti për shëndetësi(punësimi i punëtorëve shëndetësor pa burokraci dhe referenca politike) si dhe të stimulohen punëtorët shëndetësor qëjanë të stërlodhur;
- Të dëgjohen VETËM dhe VETËM instruksionet e profesionistëve shëndetësor;
- Në të kundërtën punëtorët shëndetësor nuk marrin asnjë përgjegjësi ligjore në rrjedhën e mëtutjeshme të përkeqësimit eventual të situatës.
Kryetari i FSSHK-së Dr. Blerim Syla ka dhënë edhe një porosi për qytetarët: “Qerasni mikun tuaj me një maskë në vend të një kafeje në ditë, me këtë do ia dalim”. /FamiljaJone
