Ka humbur jetën profesoresha dhe instrumentarja vushtrriase, Ylfete Rama Pllana si pasojë e komplikimeve pas një operimi.

E ndjera ushtronte profesionin si profesoreshë në kolegjin Rezonanca në Prishtinë.

Varrimi bëhet nesër me namazin e drekës në varrezat në Begaj të Vushtrrisë.

Këtë e ka bërë të ditur Shoqata e Instrumentarëve të Kosovës e cila ka shprehur ngushëllime dhe e ka vlerësuar lart personalitetin e të ndjerës.

“Sa vështirë të shkruajmë për humbjen tënde, ike në moshën më të mirë kur për ty kishin më së shumti nevojë familja, shoqëria dhe mbarë komuniteti. Një profesioniste dhe një mësimdhënëse e shkëlqyer, një kolege dhe shoqe e pazëvendësueshme nuk mund të të kujtojmë ndryshe! U prefsh në paqe! Ngushllime familjes dhe shoqërisë”, thuhet në telegramin e ngushëllimit.