Mër, Dhj 8, 2021
Banner Top
Banner Top
Disa nga mitet më të çuditshme për gjininë e foshnjes suaj

Forma e barkut është një nga mitet më të shpeshta që ju mund ta dëgjoni nga momenti që jeni shtatzënë. Nëse barku juaj është i lëshuar, atëherë me shumë mundësi ju do të keni një djalë. Nëse është  jo i lëshuar, supozohet se ju do të keni një vajzë. Këto janë vetëm disa nga komentet e çuditshme që ju mund t’i merrni nga të afërmit tuaj gjatë kësaj periudhe.

Miti shpjegon më tej se djemtë janë më të pavarur dhe, për rrjedhojë, barten më poshtë në mitër. Vajzat, me sa duket kanë nevojë për më shumë mbrojtje, kështu që ato ngrihen më lart.

Mirëpo këto stereotipe gjinore bien poshtë. Sepse mënyra se si e mbani shtatzaninë – si madhësia ashtu edhe forma e barkut – kanë të bëjë me një sërë faktorësh… asnjëri prej tyre nuk tregon seksin e fëmijës suaj, transmeton Healthline.com

Më poshtë janë disa nga mitet më të njohura – megjithëse asnjë prej tyre nuk mbështetet nga shkenca.

  • Miti i dëshirave: Dëshironi të hani shumë gjëra të kripura? Atëherë do të keni një djalë. Dëshironi të hani më shumë për gjërat e ëmbla? Ka një vajzë në barkun tuaj!
  • Miti i rrahjeve të zemrës: Rritja e rrahjeve të zemrës nënkupton se do të keni një djalë. Ritmi i ulët i zemrës nënkupton se do të keni vajzë. Por mund të hasni edhe parashikimin e kundërt.
  • Miti i sëmundjes së mëngjesit: Më pak të vjella në mëngjes do të thotë një djalë – më shumë do të thotë një vajzë. Ideja këtu është se nivelet më të larta të hormoneve me shtatzanitë femërore mund t’i bëjnë gratë më të sëmura.
  • Miti i paraqitjes së lëkurës: Lëkura e bukur me shkëlqim do të thotë një djalë. Akne dhe probleme të tjera të lëkurës do të thotë një vajzë.

Në fund,  ajo që duhet të keni parasysh është se gjatë shtatzanisë, në çdo moment, pozicioni i foshnjës mund të ndryshojë përkohësisht formën dhe madhësinë e barkut tuaj.

Arkiva

Kategoritë