Reiki është energji shëruese që rrjedh nëpër gjithë universin dhe është e arritshme për të gjithë
Reiki është një teknikë shumë e thjeshtë energjie e cila përdoret për shërim të thellë dhe relaksim. Shkencëtarisht tashmë është vërtetuar që çdo gjë është energji, duke i përfshirë edhe të gjitha qeniet e gjalla që përbëhen po nga energjia.
Çdo gjë që ne shikojmë na shfaqet e qëndrueshme, por në fakt nuk është asgjë më shumë se sa vibrime energjie në frekuenca të ndryshme.
Reiki beson se çdo sëmundje nuk është gjë tjetër veçse mungesë e rrjedhës së energjisë në trupin e njeriut. Tani ekzistojnë prova shkencore që Reiki ka efekt në stabilizimin e rrjedhës së energjisë në trup ku më pas nxitet shërimi natyral. Një rrjedhje e ekuilibruar e energjisë në trupin tonë përmirëson natyrshëm shëndetin dhe mirëqenien e përgjithshme.
Një praktikues i Reiki -t gjatë një seance lëvizë butësisht duart në ose mbi trupin e veshur të klientit duke transmetuar energjinë nga universi në trup, duke ndihmuar në nxitjen e shërimit dhe uljen e stresit.
Procesi i shërimit me bioenergji bëhet duke përshtatur energjinë universale, me energjinë e trupit tonë, që rezulton në balancimin e energjisë së njeriut duke e shëruar atë totalisht.
Kjo formë e shërimit me energji është e vjetër mijëra vite dhe mendohet që në fillim u përdor nga murgjërit budist tibetian mirëpo u rizbulua në fillim të shekullit të XX-të nga Dr. Mikao Usui një mjeshtër japonez.
Fjala Reiki përbëhet nga dy fjalë japoneze të quajtura – ‘Rei’ që do të thotë “Urtësia e Zotit” dhe ‘Ki’ do të thotë energji.
Aplikimi i Reikit në botë
Reiki nga fillimi i shekullit të XX-të fillojë të shpërndahet në gjithë botën dhe sot aplikohet në vende të ndryshme si Japonia, Evropa, Shtetet e Bashkuara të Amerikës, Kanada, Kina, Australia, Zelanda e Re dhe në shumë vende tjera. Në SHBA ofrohet si shërbim në më shumë se 800 spitale, si në spitalet e fëmijëve, qendrat e kancerit, qendrat kirurgjikale dhe spitalet e kujdesit të përgjithshëm për njerëzit e të gjitha moshave.
Reiki nuk përfshin përdorimin e medikamenteve, kështu që nuk ka efekte anësore, nuk është në kundërshtim me mjekësinë dhe gjithnjë e më shumë po bëhet një formë popullore e terapisë integruese.
Disa nga spitalet dhe klinikat më prestigjioze që ofrojnë Reiki psh. SHBA janë:
Memorial Sloan-Kettering Cancer Center, NY, Dana Farber Cancer Institute, MA, Mayo Clinic, MN, University Medical Center, AZ, Barbara Bush Children’s Hospital, MA, Yale New Haven Children’s Hospital, CT, Columbia University Medical Center for Children, NY, MD Anderson Integrative Medicine Center, TX, New York – Presbyterian Hospital, NY, Duke University, NC, Cleveland Clinic Wellness Institute, NJ, Hartford Hospital Integrative Medicine, CT, Portsmouth Regional Hospital, NH, Fox Chase Cancer Center, PA.
