Sht, Mar 23, 2024
Banner Top
Banner Top
OBSH: Në 11 vende të botës janë raportuar raste të hepatitit akut  tek fëmijët

Në 11 vende të botës janë identifikuar 169 raste të hepatitit akut të panjohur tek fëmijët nga një muaj deri në 16 vjeç.

Organizata Botërore e Shëndetësisë ka bërë të ditur se deri me tani një fëmijë i prekur nga kjo sëmundje ka humbur jetën, ndërsa 17 të tjerë kanë kërkuar transplantin e mëlçisë.

“Adenovirusi është një hipotezë e mundshme, por hetimet janë duke vazhduar për të gjetur shkakun e kësaj sëmundjeje”, thotë OBSH

Sipas OBSH-së, shumica e rasteve të raportuara tregojnë se fëmijët nuk kishin ethe dhe viruset e zakonshme që shkaktojnë hepatitin akut viral, si viruset e hepatitit A, B, C, D dhe E, nuk janë zbuluar në asnjë nga këto raste.

Që nga fillimi i vitit, të paktën 111 fëmijë janë identifikuar në Mbretërinë e Bashkuar me inflamacion akut të mëlçisë që nuk duket të jetë shkaktuar nga grupi i viruseve të hepatitit që do të kishte qenë një shkaktar më i mundshëm. Ndërsa, 13 raste janë konfirmuar në Spanjë, 12 në Izrael, nëntë në Shtetet e Bashkuara dhe një numër më i vogël rastesh të konfirmuara në Danimarkë, Irlandë, Holandë, Itali, Norvegji, Francë, Rumani dhe Belgjikë, njofton CNN.

Ndryshe, hepatiti është inflamacion i mëlçisë, një organ jetik që përpunon lëndët ushqyese, filtron gjakun dhe ndihmon në luftimin e infeksioneve.

Youtube

Arkiva

Kategoritë