Sht, Mar 23, 2024
Banner Top
Banner Top
Arrestimi i Sabit Sllamnikut:  U kap në flagrancë duke marrë ryshfet, u incizua fshehtas nga njësitet e Policisë

Ortopedi Sabit Sllamniku i cili u arrestua sot nga Policia e Kosovës, u kap në flagrancë duke marr ryshfet nga një qytetarë. Policia në këtë rast ishte duke përdorur metodat e fshehta teknike

Prokuroria Themelore e Prishtinës ka konfirmuar lajmin për arrestimin e ortopedit të QKUK-së Sabit Sllamniku nga Njësiti për Krime Ekonomike dhe Korrupsion.

Sllamniku u kap në flagrancë duke marr ryshfet nga një qytetarë, dhe masa e ndalimit nga prokurori i është caktuar për 48 orë.

Njësitët e Policisë kanë përdorur metodat e fshehta në këtë rast, duke incizuar kryerjen e veprës nga ana e Sllamnikut. Ortopedi ka pranuar të marr ryshfet në këmbëim të vlerësimit të shkallës së invaliditetit.

Më poshtë mund të lexoni njoftimin e plotë nga Prokuroria:

Prokuroria Themelore në Prishtinë, njofton opinionin publik se Departamenti i Krimeve të Rënda, konkretisht Njësiti për Krime Ekonomike dhe Korrupsion, me aktvendim të prokurorit ka ndaluar për 48 orë personin me inicialet S.S., mjek në ShSKUK, për shkak të dyshimit të bazuar se ka kryer veprën penale “Marrja e ryshfetit”, nga neni 421 të Kodit Penal të Republikës së Kosovës.

Lidhur me këtë rast, Prokurori i Shtetit ka ndërmarrë veprime në mënyrë urgjente, duke autorizuar policinë për zbatimin e tyre, me aprovim të gjykatës kompetente, ashtu që ka lëshuar urdhëresë të përkohshme për zbatimin e masave të fshehta teknike të hetimit dhe vëzhgimit, si dhe simulimin e veprës penale, i cili është kryer me dhënien e mjeteve monetare të dyshuarit, me ç’ rast ka rezultuar deri te arrestimi i tij në flagrancë.

Personi i lartcekur, dyshohet se e ka kryer veprën penale “Marrja e ryshfetit”, me qëllim t’i kryej vlerësimin e shkallës së invaliditetit të dëmtuarit.

Prokurori i Shtetit, brenda afatit ligjor do të paraqet kërkesë për caktimin e masës së paraburgimit ndaj të dyshuarit, pranë gjykatës kompetente.

Youtube

Arkiva

Kategoritë