Hën, Mar 25, 2024
Banner Top
Banner Top
AGK: Gazetarëve t’u krijohen kushtet e nevojshme për raportimet nga terreni

Përderisa Instituti Kombëtar i Shëndetit Publik, ka bërë një thirrje për gazetarët që të mos grumbullohen dhe të mbajnë distancë – Asociacioni i Gazetarëve të Kosovës, bën thirrje që të krijohen kushtet për raportime nga terreni.

“Raportimi për virusin Corona në këtë situatë të jashtëzakonshme është shumë delikat dhe jo i lehtë veçmas për kolegët tanë gazetarë, të cilët çdo minutë janë të ekspozuar ndaj rrezikut potencial të infektimit.

Asociacioni i Gazetarëve të Kosovës u bënë thirrje pronarëve të medieve, të cilët deri më tani nuk e kanë bërë, që urgjentisht t’u krijohen kushtet e nevojshme kolegëve tanë, veçmas atyre që raportojnë nga terreni dhe janë në rrezik potencial për t’u infektuar.

Aktualisht, ka shumë kolegë të cilët po e vazhdojnë punën pa mjetet elementare që mbrojnë shëndetin e tyre në këtë situatë të jashtëzakonshme siç janë: dorëzat, maskat dhe dezinfektuesit.

Po ashtu, AGK kërkon nga përfaqësuesit institucionalë që adresimet e tyre t’i bëjnë në ambiente të përshtatshme ku sigurohen foltoret dhe distanca e nevojshme ndërmjet gazetarëve e zyrtarëve, e rekomanduar edhe nga Organizata Botërore e Shëndetësisë.

AGK përgëzon të gjithë kolegët gazetarë për raportimin e deritashëm rreth Pandemisë dhe inkurajon ata që të vazhdojnë raportimin profesional, por edhe të kujdesen në të njëjtën kohë për shëndetin e tyre.

Është mision i vështirë, vetëm së bashku mund t’ia dalim!”, shkruhet në llogarinë e AGK-së në Facebook.

Youtube

Arkiva

Kategoritë