Shërbimi Spitalor Klinik dhe Universitar përmes një njoftimi ka bërë të ditur se nga dita e sotme, 29 maj 2022, në Klinikën e Kirurgjisë së Fëmijëve të Qendrës Klinike Universitar e të Kosovës, do të qëndrojë profesori i njohur nga Australia, Pedy Dewan, i cili bashkë me ekpin vendas të klinikës do të operojnë 29 fëmijë me probleme të lindura kongjenitale.

Sipas ShSKUK-së, operacionet do të nisin ditën e hënë dhe do të zgjasin 10 ditë pune. Po ashtu, do të bëhen edhe rreth 25 konsultime për pacientë me anomali të ndryshme që janë operuar më parë.

Nga ShSKUK tutje thuhet se fëmijët do të kenë mundësi të trajtohen nga ana e ekspertit të njohur që ka renome ndërkombëtare, përderisa mjekët vendas do të kenë mundësi të marrin përvojat nga profesori i njohur.