Shërbimi Spitalor Klinik dhe Universitar i Kosovës ka bërë të ditur se në trajtim mjekësor janë 19 pacientë të konfirmuar me Covid-19 pozitivë dhe 23 të tjerë më post-Covid.

“Me oksigjeno-terapi janë 14 pacientë kurse në Mjekimin Intensiv të Klinikës Infektive nuk ka pacientë të shtrirë”, thuhet në njoftimin nga ShSKUK

Sipas njoftimit, 22  pacientë post–COVID janë duke marrë trajtim në Klinikën e Pulmologjisë ndërsa tetë pacientë janë duke u trajtuar në Klinikën Infektive.

Sa i përketë pacientëve me koronavirus në spitalet e përgjithshme, në Spitalin e Pejës janë duke u trajtuar pesë pacientë, në Spitalin e Gjakovës janë duke u trajtuar katër pacienë në të Prizrenit dy pacientë dhe në Ferizaj një pacient postCovid.