Qimet që kafshët shtëpiake lënë pas mund të shkaktojnë kokëçarje, por ka një zgjidhje edhe për këtë

Qentë ose macet me qime të gjata janë një problem veçanërisht i madh. Ne pyetëm ekspertët se si ta bëni jetën më të lehtë nëse keni një kafshë shtëpiake në apartament, transmeton Telegrafi.

Merrni një furçë të përshtatshme

Gjeni një furçë të përshtatshme që do të heqë sa më shumë qime gjatë krehjes. Sa më pak qime të mbeten në trupin e tyre, aq më pak do të bien.

Pyesni në dyqanet e specializuara për kafshët shtëpiake se cila furçë funksionon më mirë për ta.

Lajeni qenin tuaj rregullisht

Bëni masazh qenit tuaj kur e lani shampon, sepse larja do të bëjë që të humbin të gjitha qimet e panevojshme.

Përveç heqjes së qimeve të tepërta, larja e rregullt e kanakarit tuaj pastron nga pluhuri dhe papastërtitë shtesë që grumbullohen në lëkurë.

Metoda për pastrimin më efikas të mobilieve

Një leckë mikrofibre është e mjaftueshme për mobilie prej druri dhe lëkure. Mikrofibra mund të mbledhë të gjitha qimet nga mobiliet me një lëvizje, por ato të bëra nga materiale të tjera janë një histori krejtësisht e ndryshme kur bëhet fjalë për pastrimin e qimeve.

Ka disa gjëra që mund t’ju ndihmojnë të hiqni qimet nga mobiliet:

Gjëja e parë që mund të provoni janë dorezat e gomës. Vendosni një dorezë në dorën tuaj dhe kalojeni mbi mobilie. Kjo do të krijojë elektricitet statik që do të bëjë që qimet të fillojnë të ngjiten në dorezë.

Opsioni i dytë funksionon në mënyrë të ngjashme dhe fjala është për një furçë për pastrimin e dritareve. Kalojeni brushën mbi mobilie dhe qimet do të fillojnë të ngjiten në të.

Opsioni i fundit është një rul që mbledh qimet. Mund ta gjeni në çdo dyqan kafshësh. Me rulin e duhur, ju gjithashtu mund të kapni qimet e fshehura nga vendet e vështira për t’u arritur në mobilie.