Një femër rreth të 40-tave ka vdekur mëngjesin e sotëm në qendër të Malishevës. Ajo dyshohet se është hedhur nga shkallet e katit të gjashtë të ndërtesës ku banonte në rrugën “Skënderbeu”.

Burimet e IndeksOnline brenda policisë kanë thënë se vdekjen e femrës me inicialet L.B., (1982) e ka konstatuar mjeku kujdestar në vendin e ngjarjes dhe se e njëjta vuante nga depresioni psikik.

Lidhur me ngjarjen është njoftuar Njësia e Hetimeve Regjionale Gjakovë të cilët janë duke u marrë me rastin.

Është informuar po ashtu prokurori kujdestar i krimeve të rënda i cili ka urdhëruar që trupi i pa jetë i viktimës të dërgohet në Institutin e Mjekësisë Ligjore për obduksion si dhe rasti cilësohet si vdekje e dyshimtë.