Shkruan: Dr.Visar Zekaj

Të dashur miq!

I nxehti i madh që po mbretëron në vendin tonë mund të jetë i rrezikshëm për shëndetin tonë e sidomos për të moshuarit dhe pacientët me sëmundje kronike.Grupet më të rrezikuara janë:

Të moshuarit,

Foshnjet dhe fëmijët e vegjël,

Personat me sëmundje kardiovaskulare,

Personat me diabet dhe tireotoksikozë,

Personat me sëmundje të mushkërive,

Personat me çrregullime mendore,

Personat me sëmundje të veshkëve, gurë në veshka, pamjaftueshmëri të veshkave e tjera,

Gratë shtatëzëna.

Sistemi i rregullimit të temperaturës trupore, gjatë të nxehtit të madh nuk arrin të shpërndajë nxehtësinë e tepërt dhe kjo varet nga koha e ekspozimit, shpeshtësia dhe intensiteti i ekspozimit. Te moshat e shtyra zvogëlohet aftësia e rregullimit të temperaturës së trupit, bie toleranca ndaj nxehtësisë, etja ndihet me vonesë, reaksioni i djerësitjes është më i vonë e poashtu numri i gjëndrrave të djersës është i reduktuar.

Te të sëmurët kardiovaskular ka dëmtim të përgjigjjes së termorregullimit, reduktim i përgjigjjes kardiovaskulare që për pasojë ka rritjen e rrezikut të trombozës koronare dhe cerebrale, shkaktohet çrregullim i funksionimit të veshkave e bashkë me to edhe aritmi të zemrës. Pacientët me hipërtension mund të kenë rënie të shpejtë të tensionit që kanë si pasojë insultet dhe iskemitë cerebrale. Çrregullimi qarkullimit të gjakut shkakton probleme te pacientët me sëmundje metabolike si te diabetikët dhe tireotoksikët. Personat me sëmundje mushkërore poashtu kanë probleme për shkak të kombinimit të temperaturave të larta dhe ndotjes së ambientit.

Disa këshilla të thjeshta ju ndihmojnë ti shmangim problemet që shkakton i nxehti si:

Evitoni daljet nga ora 11-17,

Vishuni lehtë, të pambukta të gjera dhe hapura,

Mbani kapelë apo çadër e poashtu për ti mbrojtur sytë syze dielli,

Të mbahet e freskët shtëpia apo ambienti ku qëndroni, temperaturat të jenë nën 27’C,

Pini më shumë ujë edhe kur nuk keni etje,

Freskoni trupin duke bër tush apo duke përdor lecka të lagura,

Shmangni pijet alkoolike, lëngjet me përmbajtje sheqeri apo kofeine,

Vaktet e ushqimit të jenë më të lehta me përmbajtje të lartë uji, dhe largoni ushqimet e nxehta dhe ushqimet pikante,

Konsumoni pemë dhe perime me përmbajtje të lartë uji,

Ilaqet që përdorni ti ruani në ambiente të freskëta.Andaj kujdes të nxehtit të madh!Shëndet për të gjithë. /FamiljaJonë/