Ka dhënë dorëheqje ushtruesi i detyrës së drejtorit të Klinikës Infektive, Izet Sadiku.

Sadiku për KOHËN ka thënë se dorëheqja ka ardhur për arsye personale. Ai ka thënë se dorëheqjen e ka dorëzuar në fund të muajit maj.

Sadiku kishte marrë këtë detyrë në fillim të muajit mars, pas dorëheqjes së Lindita Ajazaj-Berishës.

Në të kaluarën ai ka qenë edhe zëvendësministër i Shëndetësisë.