294 persona janë infektuar me koronavirus në zonat e banuara me serbë në Kosovë, dhe në 24 orët e fundit, janë regjistruar 36 raste të reja të infeksionit.

Epidemiologu serb Aleksandar Antonijeviq njoftoi se 50 pacientë janë duke u trajtuar në veri të Mitrovicës, dy pacientë janë duke u akomoduar në qendrat klinike në Kragujevc dhe Nish dhe 121 persona janë në izolim shtëpiak, transmeton Klan Kosova.

Antonijeviq theksoi se 175 raste të reja të infeksionit me koronavirus janë regjistruar në zonat serbe në Kosovë në 3 javët e fundit.

Sipas tij, rezultatet për 35 persona nga një laborator në Beograd janë në pritje, ndërsa testet për 15 persona të tjerë kanë arritur sot, raporton Kosovo Online.