Në këto ditë të nxehta verore, shumë prej nesh zgjedhim të kalojmë kohën në pishina, për të freskuar trupin dhe shpirtin. Një pishinë e pastër dhe e rregullt bëhet një destinacion i preferuar gjatë kësaj kohe të nxehtë, ku familjet, miqtë dhe të gjithë ata që dëshirojnë të largohen nga stresi i përditshëm, mund të gjejnë atje një relaksim të merituar. Për të përjetuar një përvojë të sigurt dhe të këndshme të pishinave, ka disa hapa të rëndësishëm që duhet të ndjekim.

Para se të hyjmë në ujë, duhet të kujdesemi fillimisht për higjienën personale. Të bëjmë dush dhe të pastrojmë trupin nga papastërtitë. Po ashtu, veshjet dhe peshqiri i pastër janë thelbësore për të parandaluar transmetimin e mikrobeve. Për të parandaluar ndotjen e ujit, mos hani apo pini në pishinë.

Nëse keni një infeksion ose plagë të hapur, mënyra më e mirë për të parandaluar infeksionet është të shmangni ujin e pishinave tërësisht. Kujdesi ndaj lëkurës është thelbësor, kështu që lyerja e lëkurës me faktor mbrojtës është e domosdoshme, por mos harroni edhe të mbani trupin tuaj të hidratuar, duke konsumuar sa më shumë lëngje. Duke mbajtur parasysh këto këshilla të thjeshta, ju mund të shijoni aktivitetet verore në pishinë, pa rrezikuar shëndetin tuaj dhe të tjerëve.