Nuk është sekret: ekspertët e të ushqyerit duan që ju të rrisni konsumin e frutave dhe perimeve, veçanërisht nëse synimi është humbja e peshës.
A janë frutat e ngrira të shëndetshme?
Së pari, le të sqarojmë konfuzionin me frutat e ngrira. Po, ata janë të shëndetshme! Ndryshe nga thashethemet, frutat e ngrira janë po aq ushqyese sa të freskëtat.
“Frutat e ngrira mblidhen në kulmin e tyre të freskisë dhe ngrihen”, thotë Toby Amidor, M.S., RD, “Frutat e ngrira kanë të njëjtën përbërje ushqyese dhe ndonjëherë edhe më të lartë se sa frutat e freskëta”, shton ajo.
Frutat e ngrira përmbajnë fibra dietike, një lëndë ushqyese e rëndësishme, që ju ndihmon të jeni më të ngopur për më gjatë dhe ndihmon në humbjen e peshës. Konsumimi i lartë i frutave dhe perimeve ndikon në humbjen e peshës tek gratë, veçanërisht nëse vendosni të reduktoni edhe ushqimet me yndyrë të lartë, sipas një studimi botuar në Nutrients në 2020. Frutat mund të ndihmojnë në ngadalësimin e shpejtësisë suaj të të ngrënit, janë përgjithësisht me më pak kalori dhe sigurojnë fibra, të cilat vendosin bazën për humbjen e peshës.
6 frutat më të mira të ngrira për humbje peshe
- Banania
Bananet e ngrira janë shtesa perfekte për smoothie-t për të krijuar konsistencën përfundimtare kremoze dhe të ëmbël. Një banane e vogël siguron 3 gram fibra, plus prebiotikë dhe kalium.
- Boronica të egra
Boronicat në të gjitha format janë një shtesë e mrekullueshme, por boronicat e egra – janë një thesar ushqyes. Boronicat e egra janë më të vogla në madhësi se boronicat e freskëta tradicionale, por janë gjithashtu me më pak sheqer. 1 filxhan me boronica të egra siguron 10 gram sheqer natyral dhe 6 gram fibra dietike. Boronicat e egra dhe ato të kultivuara përmbajnë antocianina, antioksidantë të rëndësishëm që gjenden në ngjyrën blu të lëkurës së tyre, që kanë efekte të thella në shëndetin e përgjithshëm, duke përfshirë shëndetin e zemrës, diabetin, mirëmbajtjen e peshës dhe neurombrojtjen.
- Qershitë e tharta
Qershitë e tharta janë një tjetër perlë sezonale që mund ta gjeni gjatë gjithë vitit në seksionin e ushqimeve të ngrira.
Qershitë e tharta janë të pasura me antocianine, të cilat ndihmojnë në përshpejtimin e rikuperimit të muskujve pas një stërvitje. Antocianinet gjithashtu kanë efekt anti-inflamator.
- Mango
Të shtoni mangon në dietën tuaj rrisni shanset që të merrni më shumë fibra, magnez, kalium dhe vitamina A, C dhe E, si dhe më pak sheqer të shtuar. Ndoshta ka diçka në ëmbëlsinë natyrale të mangos që kënaq shijet tuaja. Mendoni për mangon si një ëmbëlsirë të natyrës. Ndërsa mangoja e freskët është e mrekullueshme, nuk është gjithmonë e disponueshme. Kështu që mbajtja e mangos së ngrirë është thelbësore për ta pasur gati për përgatitjen e recetave.
- Shegë
Ofrojnë një burim të shkëlqyer fibrash, duke paketuar 6 gramë për ¾ filxhani, sipas USDA. Plus, arlat e shegës furnizojnë gjithashtu me polifenole, antioksidantë të rëndësishëm që ndihmojnë në eliminimin e radikaleve të lira, që krijojnë dëmtime qelizore me kalimin e kohës.
Një përmbledhje e 20 studimeve klinike mbi shegën zbuloi se fruti mund të jetë i dobishëm për të parandaluar dhe ndihmuar në trajtimin e sindromës metabolike, një grup kushtesh – të tilla si presioni i lartë i gjakut, sheqeri i lartë në gjak – që rrit rrezikun për sëmundje të zemrës, goditjes në tru dhe diabetit. Konsumi i shegës ndihmon në uljen e peshës trupore, presionit të gjakut, sheqerit në gjak, triglicerideve, kolesterolit dhe lipoproteinave me densitet të ulët, si dhe përmirëson rezistencën ndaj insulinës.
- Luleshtrydhet
Një filxhan luleshtrydhe të ngrira përmban 3 gram fibra dietike dhe ka vetëm 50 kalori.
Sipas një studimi të vitit 2021 në Nutrients, të kryer te të rriturit me obezitet dhe kolesterol të lartë LDL, ata që konsumuan 2.5 racione luleshtrydhe në ditë për katër javë përfituan një përmirësim të rezistencës ndaj insulinës dhe niveleve të lipideve.
Përveç kësaj, luleshtrydhet gjithashtu furnizojnë me acid elagjik dhe flavonoid. Acidi Ellagic vepron si një antioksidant për të ndihmuar në mbrojtjen e qelizave nga dëmtimi i radikaleve të lira, ndërsa flavonoidet ndihmojnë në uljen e rrezikut të kancerit, sëmundjeve të zemrës dhe rënies njohëse.
