Shëndeti ynë mendor, emocional dhe fizik ndikohet ndjeshëm nga ekuilibri i jetës sonë personale dhe profesionale.

Si arrijmë të vendosim kufijtë e duhur dhe të arrijmë raportin e artë?

Planifikoni një pushim

Puna e vazhdueshme na bën më të stresuar. Prandaj, planifikimi i një pushimi qoftë edhe për tre ditë, do t’ju ndihmojë të “ristartoni” trurin, të relaksoheni, të afroheni më shumë me të dashurit tuaj dhe të ktheheni më aktivë dhe më efikasë.

Idealisht, zgjidhni një arratisje në natyrë, në një mal apo një plazh, ku mund të ndjeni qetësinë absolute dhe rinovimin.

Thuaj (dhe) jo

Mos e mbingarkoni veten me stresin e punës. Të thuash “jo-të” dhe të vendosësh kufijtë në një mënyrë të sjellshme nuk do të duket si ofenduese apo joprofesionale. Koha juaj personale është e vlefshme dhe lodhja respektohet, ndaj ia vlen t’i pohoni këto në mjedisin tuaj profesional në mënyrë që të kuptohen.

Prioritetet

Çfarë është më e rëndësishme për ju? Vendosni prioritetet tuaja në mënyrë që të arrini më lehtë qëllimet tuaja.

Mund të bëni çdo ditë një listë të detyrave tuaja të rëndësishme (dhe jo aq), të cilat, ndër të tjera, do t’ju lehtësojnë mendjen dhe do t’ju bëjnë të funksiononi më mirë si në shtëpi ashtu edhe në punë.

Bëni një pushim

Marrja e pushimeve të shpeshta në punë jo vetëm që ju bën të ndiheni të freskët, por gjithashtu rrit produktivitetin tuaj.

Për shembull, të bëni një pushim dhe të telefononi një mik në telefon, do t’ju ndihmojë të përmirësoni fokusin tuaj dhe të reduktoni stresin tuaj të punës.

Kujdesi për veten

Ju punoni çdo ditë. Si thua ta trajtosh edhe veten pak?

Bëni një shëtitje, dilni për një vakt solo ose thjesht trajtojeni veten me një prerje flokësh, manikyr ose një masazh relaksues.

Meditimi dhe joga gjithashtu mund të ndihmojnë trupin tuaj të qëndrojë në formë duke ju ofruar paqe dhe ekuilibër të brendshëm.

Në përgjithësi, zgjidhni të bëni atë që ju pëlqen vërtet dhe atë që ju qetëson.

Momentet familjare

Fikni njoftimet e telefonit kur kaloni kohë me familjen tuaj. Mos harroni se miqtë janë edhe familja që ne zgjedhim të kemi.

Ndani mendimet tuaja, argëtohuni së bashku dhe kushtojini të dashurit tuaj vëmendjen tuaj të pandarë. Përfitimet do të jenë të shumëfishta si për ata ashtu edhe për ju.