Placenta mund të jetë një arsye pse disa gra zhvillojnë diabetin gestacional gjatë shtatzënisë, zbulon një studim i ri.

Një deficit në mënyrën se si placenta shpreh gjenin për një hormon të quajtur faktori i rritjes i ngjashëm me insulinën 1 (IGF-1), duket i lidhur me rezistencën ndaj insulinës gjatë shtatzënisë, raportuan studiuesit në revistën Nature Medicine.

“Placenta – nxitësi kryesor i ndryshimeve në fiziologjinë e insulinës në shtatzëni – ka të ngjarë një burim kyç i hormoneve të përfshira në zhvillimin e diabetit gestacional”, tha studiuesja kryesore Marie-France Hivert, profesoreshë e asociuar e mjekësisë popullore në Harvard Medical.

Diabeti gestacional prek një në shtatë shtatzëni dhe mund të çojë në komplikime të shumta gjatë shtatzënisë dhe lindjes.

Rezistenca e tepërt ndaj insulinës kontribuon në zhvillimin e diabetit gestacional, kanë gjetur hulumtimet e mëparshme, por shkaqet e sakta të kësaj rezistence mbeten të paqarta.

Për këtë studim, studiuesit kryen analiza gjenetike në mostrat e indeve të placentës, duke identifikuar 14 gjene që lidhen me rezistencën ndaj insulinës.