Temperaturat e larta të këtyre ditëve janë si pasojë e ndryshimeve klimatike.

Por ekspertët ngrenë shqetësimin se klima ka ndikim negativ në shëndetin mendor të fëmijëve.
Një studim i kryer nga ekspertët e ISHP-së tek fëmijët shqiptarë ka nxjerr në pah se ndryshimet klimatike, të tilla si nxehtësia, thatësira dhe cilësia e dobët e ajrit rrisin rrezikun e ankthit, depresionit, çrregullimit bipolar, dëmtimit të funksionit njohës, agresionit ndërpersonal dhe ndikimeve të tjera në shëndetin mendor, shkruan euronews.al.

Një rritje e parashikuar e temperaturës prej 2 gradë Celsius shoqërohet me ulje të të mësuarit me 4 për qind dhe rritja e temperaturës prej 4 gradë Celsius lidhet me uljen e të mësuarit prej 7 për qind.

OBSH vlerëson prevalencën e çrregullimeve të ankthit dhe depresionit në popullatën e përgjithshme të Shqipërisë përkatësisht në 3.8 për qind dhe 4.8 për qind.