Një studim i ri thotë se një zhvendosje globale nga mishi i kuq në konsumin e peshkut foragjere ka potencialin të ulë në mënyrë dramatike normat e vdekjeve nga sëmundjet jo të transmetueshme.

Peshqit foragjerë si harenga, açugeja dhe sardelet janë një burim i pasur i omega-3 dhe lëndëve të tjera ushqyese thelbësore dhe janë gjithashtu më të qëndrueshëm për mjedisin sesa mishi i kuq, shkruan Medical News Today.

Megjithatë, ekspertët vënë në dyshim mundësinë e këtij ndryshimi të dietës në rajonet me të ardhura të ulëta dhe të mesme, ku ndryshimi do të kishte ndikimin më të madh.