Studiuesve në Mbretërinë e Bashkuar i janë dhënë 1.98 milionë euro për të zhvilluar një vaksinë kundër kancerit të mushkërive.

Vaksina “LungVax” që ata synojnë ta zhvillojnë do të jetë vaksina e parë në botë kundër kancerit të mushkërive tek njerëzit në rrezik për ta zhvilluar atë, shkruan EuroNews.

Teknologjia për vaksinën e re do të jetë e ngjashme me atë që u përdor për vaksinën Oxford/AstraZeneca kundër COVID-19.

Financimi do të vijë nga Cancer Research UK dhe CRIS Cancer Foundation.

“Kanceri është një sëmundje e trupit tonë dhe është e vështirë për sistemin imunitar të bëjë dallimin midis asaj që është normale dhe asaj që është kancer”, tha profesori Tim Elliott, drejtuesi i hulumtimit për projektin LungVax.

“Të bësh sistemin imunitar të njohë dhe sulmojë kancerin është një nga sfidat më të mëdha në kërkimin e kancerit sot”, shtoi ai.

“Nëse ne mund të përsërisim llojin e suksesit gjatë testimeve në kohën e pandemisë, ne mund të shpëtojmë jetën e dhjetëra mijëra njerëzve çdo vit vetëm në Mbretërinë e Bashkuar”./Shqip.com