Që nga studimi i NASA-s i vitit 1958, është krijuar një zonë rehatie e temperaturës midis 4 dhe 35 gradë Celsius, në të cilën, kur lagështia nuk kalon 50%, njerëzit mund të qëndrojnë pafundësisht. Por kur është jashtë kësaj zone, sa temperaturë të lartë mund të përballojë trupi i njeriut?

Me gjithë kërkimet e shumta ushtarake, nuk ka një përgjigje të përgjithshme dhe të saktë për këtë pyetje.

Njerëz të ndryshëm mund t’u rezistojnë temperaturave të ndryshme ekstreme dhe kjo varet edhe nga mënyra e veshjes, aktivitetet fizike, rrymimet e ajrit dhe mbrojtja nga dielli. Dhe mbi të gjitha, nga lagështia e ajrit. Në një lagështi relative shumë të lartë, njeriu mund të jetë në rrezik në 36 gradë Celsius, ndërsa në shkretëtira, ku ajri është jashtëzakonisht i thatë, njerëzit mund të mbijetojnë dhjetë minuta në një temperaturë prej 60 gradë, transmeton Telegrafi.