Ministrja e Drejtësisë, Albulena Haxhiu, ka njoftuar se pecetat higjenike në këtë dikaster do të jenë falas për gratë që punojnë aty.

Sipas Haxhiut, kjo është nevojë e jo luks.

“E drejta për t’u pajisur me peceta higjenike është elementare për të gjitha gratë. Është nevojë dhe jo lluks. Në Ministrinë e Drejtësisë, pecetat higjenike do të jenë për përdorim falas për të gjitha punëtoret e Ministrisë”, ka shkruar Haxhiu.

Një praktikë e tillë, siç thotë Haxhiu, mbetet e vlefshme dhe e rëndësishme në të gjitha institucionet publike si dhe ato private.

“Praktikat e tilla duhet të normalizohen duke thyer tabutë që ekzistojnë në shoqërinë tonë”, shprehet ajo.

Njoftimi i plotë:

E drejta për tu pajisur me peceta higjenike është elementare për të gjitha gratë. Është nevojë dhe jo lluks.

Në Ministrinë e Drejtësisë, pecetat higjenike do të jenë për përdorim falas për të gjitha punëtoret e Ministrisë.

Praktika e tillë mbetet e vlefshme dhe e rëndësishme në të gjitha institucionet publike si dhe ato private.

Praktikat e tilla duhet të normalizohen duke thyer tabutë që ekzistojnë në shoqërinë tonë.