A e gjeni veten vazhdimisht të shqetësuar dhe të stresuar? Dhe më pas i riktheheni alkoolit, pirjes së duhanit apo edhe ngrënies së tepërt? Dy të parat nuk ndihmojnë në reduktimin e ankthit tuaj, madje mund të krijoni varësi, por ushqimi mund.
Normalisht jo çdo ushqim si hotdogu dhe hamburgerët, por ushqimi i shëndetshëm me vlera ushqyese. Një dietologe ju sqaron çfarë mund të hani për të reduktuar nervozizmin, pa hequr dorë nga ushqimet e shëndetshme dhe të shijshëm.
1. Manaferrat
Dëshira për sheqer është një rezultat i natyrshëm i ankthit edhe pse ju mposht thuajse menjëherë. Është mirë t’i zëvendësoni ato me disa manaferra të cilat janë të mbushura me vitaminë C dhe antioksidantë që mbrojnë dhe riparojnë qelizat e dëmtuara e që shkaktojnë stres. Pra, hani e pini shumë lëngje me boronica, manaferra, luleshtrydhe dhe ndjehuni më të relaksuar.
2. Çaj
Nuk është sekret që njerëzit nën shumë presion dhe stres vrapojnë drejt alkoolit dhe pijeve të tjera të ëmbla. Por a ndihmojnë ata me të vërtetë? Jo. Jo vetëm që nuk ndihmojnë, por krijojnë shumë dëme në trupin tuaj.
Një zëvendësues i mirë i këtyre pijeve me bazë alkoolike dhe të gazuara është çaji. Livanda, kamomili, gjethet e çajit jeshil përmbajnë antioksidantë qetësues. Pirja e tyre ka përfitime shtesë gjumin e mirë dhe detoksifikimin. Për më tepër, përgatitja e çajrave bimor në shtëpi është shumë e lehtë dhe e kënaqshme.
3. Çokollata
Po, sheqeri i bën më shumë dëm nervave sesa i qetëson. Prandaj, jo çdo çokollatë ndihmon me nervozizmin, por çokollata e zezë. Çokollata e zezë përmban përbërës të lëndëve ushqyese me antioksidantë, të cilët qetësojnë ankthin.
4. Arrat
Frutat e thata bazë si arrat, lajthitë dhe bajamet janë burime të shkëlqyera të antioksidantëve, proteinave dhe më e rëndësishmja të magnezit, të cilët ndihmojnë në ruajtjen e neurotransmetuesve të trupit dhe mbështetjen e funksionimit të trurit.
5. Vitaminë C
Tashmë është një fakt se vitamina C është një qetësues i madh i stresit, dhe për këtë arsye frutat si portokalli, limon dhe rrushi ndihmojnë në uljen e nervave. Përveç këtyre frutave, përfshirja e perimeve me gjethe jeshile si spinaqi, lakra, brokoli dhe majdanozi në vakte rezulton të jenë shumë të dobishme për të lehtësuar ankthin.
6. Peshku
Varietetet e peshkut si sardelet dhe salmoni sjellin përfitime të mëdha për njerëzit me ankth. Arsyeja është se këta peshq përmbajnë nivele të larta të Omega-3, një acid yndyror që ruan funksionimin kognitiv të trurit, si dhe balancon hormonet duke mbajtur në kontroll edhe shëndetin tuaj mendor.
7. Kosi
Kosi apo edhe gjiza janë një bollëk probiotikësh, që njihen prej kohësh që ndihmojnë me ankthin dhe depresionin.
