Janë konfirmuar edhe tri raste të reja me koronavirus në Kosovë.

Këtë e ka bërë të ditur Instituti Kombëtar i Shëndetësisë Publike të Kosovës përmes një njoftimi për media.

“Sot më 04.04.2020 (01:30 pas mesnate), në Laboratorin e Mikrobiologjisë Molekulare në IKSHPK me metodën RT-PCR (testimi 2), janë testuar 138 mostra të marra nga rastet e hospitalizuara në Klinikën Infektive dhe nga gjurmimi i kontakteve të rasteve në terren. Nga mostrat e marra për testim në virusin SARS-CoV-2, tre (3) prej tyre kanë rezultuar pozitive”, thuhet ndër të tjera në njoftimin e IKSHPK-së.