Të premten më fillim nga ora 20:00, në emisionin “Takim virtual me Shëndritin”, do të jetë e ftuar internistja, endokrinologia dhe diabetologia, Merita Emini-Sadiku.
Sadiku diplomoi në Fakultetin e Mjekësisë në vitin 2000, në Universitetin e Tiranës, për të magjistruar më pas në Universitetin e Prishtinës në vitin 2007.
Titullin “Doktor i shkencave mjekësore” e mori në vitin 2012 në Universitetin e Zagrebit në Kroaci. Ajo po ashtu u specializua si endokrologe, diabetologe dhe interniste.
Me të ftuarën do të diskutohet për sëmundjet e gjëndrës tiroide. Të gjithë ata që kanë ndonjë pyetje lidhur me temën, këtë mund ta bëjnë duke u orientuar në faqen “Familja Jonë” në Facebook ose Instagram, ose edhe gjatë kohës kur intervista është duke u zhvilluar, në hapësirën për komente.
Për shumçka lidhur me sëmundjet e gjëndrës tiroide, ndiqeni emisionin më fillim nga ora 20:00 vetëm në faqen e Facebook-ut të “Familja Jonë”.