Tue, Aug 20, 2019
Banner Top
Tavë Fiorentina

Në këto ditë verore një pjatë përplot fruta deti është adekuate.
Familja Jonë ju propozon tavën speciale nga Fiorentina Steak House, e cila i përshtatet kësaj stine, është shumë e shëndetshme dhe plot shije.

Përbërësit:

  1. Qepë
  2. Vaj ulliri
  3. Kallamar 100gr
  4. Sepie 100gr
  5. Karkaleca 50gr
  6. Levrek 100gr
  7. Vongula 100gr
  8. Midhje 100gr
  9. Kapesante 100gr
  10. Skamp 150gr
  11. Erëza

Frutat e detit janë burim i pasur me acide yndyrore Omega-3, që janë thelbësore për zhvillimin e trurit dhe funksionimin normal të tij. Konsumi i këtij ushqimi, të paktën tre herë në javë, eliminon plakjen e trurit në masën 13 për qind, duke i dhuruar atij rreth tre-katër vjet më shumë rini.

Acidet yndyrore që ato përmbajnë ndihmojnë në uljen e triglicerideve, ulin viskozitetin e gjakut dhe tensionin arterial, si dhe reduktojnë rrezikun e aritmisë. Kështu, njerëzit që konsumojnë një vakt me peshk ose fruta deti të paktën një ditë në javë, kanë 50% më pak risk për infarkt. Ato ndikojnë në uljen e dhembjeve menstruale kur dihet se te gratë me çrregullime janë të rritura substancat inflamatore.

Gjithashtu, marrja e Omega- 3 ndikon në përmirësimin e krizave depresive dhe migrenën si dhe është e nevojshme te gratë shtatzëna, sidomos në periudhën e krijimit të trurit dhe syve të bebes.

Banner Content

Arkiva

Kategoritë