Ministri i Punëve të Brendshme dhe Administratës Publike, Agim Veliu, Ministri i Shëndetësisë, Arbren Vitia dhe Drejtori i Institutit Kombëtar të Shëndetit Publik, Naser Ramadani, janë takuar për të diskutuar për menaxhimin e situatës në lidhje me koronavirusin.
Vitia ia bëri të ditur Veliut, për angazhimet që ka Ministria e Shëndetësisë dhe Instituti Kombëtar i Shëndetit Publik, në rast të paraqitjes së koronavirusit në vendin tonë.
Gjithashtu Vitia bëri të ditur që për menaxhimin e kësaj situate duhet edhe ndihma e MInistrisë së Brendshme, kurse ministri i këtij dikasteri qeveritar, Veliu, ka bërë të ditur që do të vihen në dispozicion të gjitha kapacitetet në mënyrë që të menaxhohet çfarëdo situate epidemilogjike.