Pre, Mar 5, 2021
Banner Top
Banner Top
Nëse je me Koronavirus dhe del në rrugë mund të dënohesh deri në 21 vite burg!

Shtetasit italianë të cilët janë të prekur nga koronavirusi, mund të përballen me akuza për vrasje nëse lëvizin lirshëm nëpër rrugë, pavarësisht se ndaj tyre është dhënë urdhër për të qëndruar në karantinë.

Pacientët të cilët dyshohej se janë të infektuar me COVID-19, janë urdhëruar që të qëndrojnë brenda në zona të izoluara, në të kundërt do të gjobiteshin me një gjobë rreth 206 euro.

Por tashmë me masat e reja të ndërmarra në Itali, ata pacientë do të përballen me akuza shumë më të rënda nëse infektojnë dikë gjatë shëtitjeve të tyre në rrugë.

Mediat italiane bëjnë me dije se këto persona do të akuzohen për vrasje me dashje dhe mund të qëndrojnë në burg deri në 21 vite.

Në një konferencë shtypi disa ditë më parë kryeministri Italian Giuseppe Conte e shpalli të gjithë territorin e vendit “zonë të kuqe” duke mos lejuar në këtë mënyrë asnjë lëvizje në rrugët e qyteteve.

Kujtojmë që deri më tani numri i të infektuarve në Itali ka shkuar në 12 mijë, midis tyre 1045 persona janë shëruar, ndërsa rreth 827 persona kanë humbur jetën si pasojë e epidemisë vdekjeprurëse./Familja Jonë

0 Comments

Leave a Comment

Arkiva

Kategoritë