Hën, Jan 18, 2021
Banner Top
Banner Top
Humbja e shqisës së nuhatjes nga Covid-19, si ta trajtojmë?

Kushtet e zakonshme që irritojnë hundën  si alergjitë, por edhe infeksionet si Covid-19, shkaktojnë anosmi të përkohshme. Anosmia është humbje e pjesshme ose e plotë e shqisës së të nuhaturit, dhe mund të jetë e përhershme ose e përkohshme.

Anosmia zakonisht nuk është serioze, por sigurisht që mund të ndikojë në cilësinë e jetës së një personi, për sa kohë nuk nuhat dhe nuk shijon ushqimin, transmeton netdoktori.

Si trajtohet humbja e nuhatjes?

Trajtimi varet nga shkaku. Nëse nuhatja është bllokuar për shkak të një infeksioni, si ftohje e zakonshme, alergji, sinus, grip ose Covid-19, mund të këshilloheni me mjekun. Zakonisht trajtimi përfshin:

– marrjen e antibiotikëve për infeksionet bakteriale;

– ndërprerje të duhanit;

– spërkatjet e hundës;

– ilaçe që sigurojnë lehtësim afatshkurtër për hundët e bllokuara.

Për njerëzit që kanë pësuar humbje të përhershme të nuhatjes nuk ka ende një trajtim specifik, ndërsa ata me humbje të pjesshme mund të shtojnë aromatizues në ushqim.

Disa nga produktet më efektive për të përmirësuar nuhatjen:

Hudhra ka fuqi anti-inflamatore dhe përmirëson zonën e brendshme të hundës. Thërrmoni katër thelpinj hudhër dhe shtojini në një filxhan me ujë të zierë. Lëreni të vlojë për dy minuta dhe më pas shtoni një majë luge me kripë. Pijeni përzierjen të vaktë, dy herë në ditë.
 

I pasur me vitaminë C, antioksidantë dhe veti të forta anti-mikrobike, limoni ka fuqi edhe për të përmirësuar hundët e bllokuara. Shtrydhni lëngun e limonit në një gotë me ujë të ngrohtë dhe shtoni një lugë çaji me mjaltë. Pijeni dy herë në ditë.
 

Vaji i ricinit (kastorit) ka fuqi antioksiduese, anti-inflamatore dhe lehtëson dhimbjet si edhe zhbllokon hundët. Hidhni një pikë vaj të ngrohtë kastori në hundë. Praktikojeni dy herë në ditë, në mëngjes dhe në darkë, para se të flini.


Vetitë anti-mikrobike dhe anti-inflamatore i bëjnë gjethet e mentes një mënyrë të mirë për të përmirësuar gjendjen e hundës, fytit dhe kraharorit. Zieni 10-15 gjethe menteje me një filxhan ujë. Shtoni një lugë gjelle me mjaltë dhe pini përzierjen.
 

Aroma e fortë e xhenxhefilit ju stimulon shqisat e nuhatjes. Mund ta konsumoni si çaj ose të përtypni pak, për të përmirësuar shqisën e nuhatjes.
 

Uthulla e mollës vepron si nxitëse e nuhatjes dhe ka veti antibakteriale. Pini një përzierje të uthullës së mollës, mjaltit dhe ujit 3 herë në ditë.
 

Mungesa e zinkut shkakton edhe probleme me shijimin dhe nuhatjen ndaj duhet t’i konsumoni për të përmirësuar shqisat – fasule, avokado, manaferra, boronicë, mjedër, drithëra, produktet e qumështit, qiqrat, arrat, bajamet etj.
 

Era e kanellës përmirëson aftësinë e nuhatjes për shkak të aromës së fortë.
 

Mos harroni të qëndrontë hidratuar.

Arkiva

Kategoritë