Sht, Jan 23, 2021
Banner Top
Banner Top
Disa mësimdhënës e nxënës rezultojnë pozitiv me Covid-19 në Vushtrri – Një shkollë do të fillojë mësimin online

Ministri i Shëndetësisë,Armend Zemaj, ka rekomanduar të fillojë mësimi online në shkollën “Mustafë Venhari” në Vushtrri.

E kjo për shkak të përkeqësimit të situatës me Covid në këtë shkollë ku disa arsimtarë dhe nxënës kanë rezultuar pozitivë.

“Duke pasur parasysh hulumtimin aktiv epidemiologjik dhe mbikëqyrjen e situatës epidemiologjike, IKSHPK ka bërë testimin e gjithe arsimtarëve dhe nxënësve të klasës së pestë të shkollës “Mustafë Venhari” në Vushtrri, ku më pas disa kanë rezultuar pozitiv me Covid 19.IKSHPK ka rekomanduar që mësimi në këtë shkollë nga nga skenari “A” të kaloj në skenarin “C”, mësim online” shkruan Zemaj.

Postimi i plotë:

Përderisa edhe sot Kosova po shënon zero raste të vdekjeve të pacientëve të infektuar me Covid 19 si dhe një shifër relativisht më të mirë sa i përket të të infektuarve me Covid 19, ku nga 643 teste, 63 janë pozitiv, në shkollën “Mustafë Venhari” në Vushtrri nuk është situata që dëshirojmë.Duke pasur parasysh hulumtimin aktiv epidemiologjik dhe mbikëqyrjen e situatës epidemiologjike, IKSHPK ka bërë testimin e gjithe arsimtarëve dhe nxënësve të klasës së pestë të shkollës “Mustafë Venhari” në Vushtrri, ku më pas disa kanë rezultuar pozitiv me Covid 19.

IKSHPK ka rekomanduar që mësimi në këtë shkollë nga nga skenari “A” të kaloj në skenarin “C”, mësim online.Të nderuar nxënës, mësimdhënës, prindër,Testimi i mësimdhënësve, por edhe I nxënësve nëse vërehen simptoma, do të vazhdoj por nëse duhet, do të bëhet ritestimi i tyre.Kërkoj nga ju që të jemi bashkëpunues dhe të gjithë së bashku të punojmë për të mirën e fëmijëve tanë e mos përsëriten raste të tilla.Duke i ndihmuar njëri tjetrit, të gjithë i ndihmojmë shëndetit publik!

Arkiva

Kategoritë