Sun, Dec 8, 2019
Banner Top
Depresioni në të 20tat lidhet me humbjen e kujtesës në të 50tat

Një studim i ri në shkallë të gjerë i kryer nga psikologët e Universitetit të Sussex ka gjetur një lidhje të qartë midis episodeve të depresionit dhe ankthit të përjetuar nga të rriturit në të njëzetat, të tridhjetat e dyzetat, me një rënie në funksionin e kujtesës deri në kohën që janë në të pesëdhjetat.

Studimi, i publikuar në Journal British of Psychiatry, është i pari i këtij lloji për të parë marrëdhëniet midis simptomave depresive të përjetuara gjatë tre dekadave të moshës së hershme dhe një rënie në funksionin kognitiv në mes të jetës.

Psikologët e Sussex-it analizuan të dhënat nga Studimi Kombëtar i Zhvillimit të Fëmijëve, i themeluar në vitin 1958 me një grup prej mbi 18,000 foshnjash dhe ndjeku pjesëmarrësit nga lindja në fëmijëri deri në moshën e rritur. Ata zbuluan se një akumulim i simptomave të përjetuara nga pjesëmarrësit gjatë tre dekadave siguroi një tregues të fortë të një uljeje lineare në funksionin e kujtesës në kohën kur të rriturit ishin pesëdhjetë vjeç.

Ata zbuluan se një episod i depresionit apo ankthit kishte pak efekt në funksionin e kujtesës të të rriturve në mesin e jetës, pavarësisht se në cilën dekadë ishte përjetuar, por që sapo episodet u rritën në dy ose tre gjatë rrjedhës së tre dekadave, kjo parashikoi një rënie të qëndrueshme në funksionin e kujtesës së pjesëmarrësve deri në kohën kur arritën në të pesëdhjetat.

Psikologët nga EDGE Lab në Universitetin e Sussex argumentojnë, se egziston një mundësi për të mbrojtur funksionin e kujtesës së ardhshme duke nxitur ndërhyrjet e shëndetit mendor në mesin e të rinjve të rritur dhe ata po i bëjnë thirrje qeverisë së Mbretërisë së Bashkuar për të investuar në shëndetin mendor të të rinjve.

Psikologët gjithashtu vlerësuan rrjedhshmërinë verbale, shpejtësinë e përpunimit të informacionit dhe rezultatet e saktësisë së pjesëmarrësve sapo mbushën pesëdhjetë vjet. Në mënyrë inkurajuese, episodet e depresionit dhe ankthit kishin pak ndikim në katër fushat e fundit të funksionit kognitiv por humbja e kujtesës sugjeron që simptomat depresive të përjetuara në moshën e rritur të parakohshme mund të parashikojnë çmenduri në moshën madhore të rritur.

Studenti PhD. Amber John tha:

“Ne kemi ditur nga hulumtimet e mëparshme se simptomat depresive nga mosha e re mund të parashikojnë një rënie të funksionit të trurit në jetën e mëvonshme, por ne ishim të befasuar për të parë se sa qartë simptomat e vazhdueshme depresive në të tre dekadat e moshës madhore janë një parashikues i rëndësishëm i funksionit të dobët të memories në mes të jetës./Familja Jonë

Banner Content

0 Comments

Leave a Comment

Arkiva

Kategoritë