Sun, Oct 20, 2019
Banner Top
Çka duhet të dimë për hemofilinë?

Hemofilia është një çrregullim i gjakut, i cili nuk mpikset siç duhet, gjë që mund të çojë në gjakrrjedhje spontane, si dhe gjakrrjedhje pas lëndimeve apo ndërhyrjeve të caktuara kirurgjikale. Gjaku përmban shumë proteina të quajtura faktorë të koagulimit që ndihmojnë për të ndaluar gjakrrjedhjen. Personat me hemofili kanë nivele të ulëta të faktorit VIII (Hemofilia A) ose faktorit IX (Hemofilia B).

Është një gjendje shëndetësore, e cila mund të bëhet kërcënuese për jetën nëse nuk identifikohet hershëm dhe nuk mbahet nën kontroll. Kjo gjakderdhje mund të jetë fatale nëse ndodh brenda një organi jetik siç është truri.

Hemofilia është normalisht një çrregullim i trashëguar, një person lind me të. Ka tendencë të shfaqet tek meshkujt, pasi gjeni mund të kalohet nga nëna tek djali. Personat që kanë ose kanë pasur anëtarë të familjes me hemofili duhet të testojnë djemtë menjëherë pas lindjes.

Simptomat e kësaj gjendjeje varen nga sasia e faktorit që mungon në gjak. Shfaqja e tyre mund të nisë nga stadet më të lehta, e deri tek ato më të rëndat. Megjithatë, më të shpeshtat janë: gjakrrjedhjet e shpeshta nga hunda dhe të vështira për t’u ndaluar, gjakrrjedhjet në artikulacione. Kjo mund të sjellë ënjtje dhe dhimbje në nyje, haset më shumë në gjunjë, bërryla dhe këmbë.

Simptoma të tjera janë edhe: gjakrrjedhjet në lëkurë ose muskuj duke dhënë hematoma, gjakrrjedhjet nga goja dhe mishi i dhëmbëve, gjakrrjedhjet pas kryerjes së gjilpërave, gjaku në urinë, si dhe gjakrrjedhjet në kokën e foshnjës pas një lindjeje të vështirë. Prania e një prej simptoma të tilla duhet t’ju orientojë detyrimisht drejt mjeku specialit për të marrë në kohë ndihmën e duhur mjekësore.

Ekzistojnë dy lloje kryesore të hemofilisë, tipi A dhe tipi B.

Në hemofilinë A, vërehet mungesa e faktorit të koagulimit VIII. Kjo përbën rreth 80 përqind të rasteve të hemofilisë. Rreth 70 përqind e njerëzve me hemofili A kanë formën e rëndë.

Në hemofilinë B, e njohur edhe si “sëmundje e Krishtëlindjes”, personit i mungon faktori i koagulimit IX. Hemofilia ndodh në rreth 1 në çdo 20,000 meshkuj të lindur në të gjithë botën.

Të dyja A dhe B mund të jenë të buta, të moderuara ose të rënda, në varësi të sasisë së faktorit të mpiksjes që është në gjak. Nga 5 deri në 40 përqind të faktorit normal të koagulimit konsiderohet i butë, 1 deri në 5 përqind është i moderuar, dhe më pak se 1 përqind është i rëndë./Familja Jonë

Banner Content
Tags:

Lajme te ngjajshme

0 Comments

Leave a Comment

Arkiva

Kategoritë