Pre, Shk 26, 2021
Banner Top
Banner Top
Çfarë duhet të bëni kur fëmija juaj qan “pa arsye”?

Ndihen të ngopur? Kontrolloni. Pelenë e pastër? Kontrolloni. Temperaturë? Kontrolloni.

Çdo gjë në rregull, atëherë, pse qan fëmija juaj? Edhe prindërit më të mençur nuk mund ta lexojnë mendjen e foshnjave të tyre – dhe foshnjat nuk dinë të na thonë se çfarë është e gabuar.

Nëse ende keni nevojë për strategji, lexoni më tej. Për fat të mirë, ju mund të u ofroni rehati pa e ditur shkakun e shqetësimit.

Këtu janë disa metoda të provuara dhe të vërteta të cilat mund të qetësojnë foshnjat tuaja:

Ipni diçka për të thithur

Thithja mund të qetësojë stomakun dhe gjymtyrët e një fëmije. Ofroni një biberon ose një gisht fëmijës tuaj dhe do ta shihni se si do të pushojë së qari.

Lozni me ta dhe mbajini afër vetës

Të porsalindurit pëlqejnë të ndjehen po aq të ngrohtë dhe të sigurt sikur kur ishin në bark: Mundohuni ta tundni foshnjën tuaj në një batanije ose ta mbani atë afër gjoksit për të ua rikrijuar atë ndjenjë. Kjo është një formë tjetër që i ndalon ata të qajnë.

Muzikë dhe ritëm

Provoni të lëshoni muzikë, të këndoni një ninullë ose edhe të vallëzoni nëpër dhomë. Eksperimentoni me lloje të ndryshme muzikore për të parë se çfarë i përshtatet fëmijës tuaj më shumë.

“Zhurma e bardhë”

Fryrja e një fshese me korrent mund të mos duket shumë qetësuese, por shumë foshnje qetësohen nga një rrjedhë e qëndrueshme e “zhurmës së bardhë” që bllokon zhurmat e tjera. Provojeni edhe këtë metodë patjetër!

Ajër i pastër

Ndonjëherë thjesht hapja e derës së përparme ose të pasme, ecja në natyrë ndalon fëmijën së qari menjëherë. Nëse funksionon, shijoni momentin: Shikoni përreth, shikoni lart në qiell, bisedoni me foshnjën tuaj për botën rreth shtëpisë tuaj – pavarësisht nëse bëhet fjalë për një rrugë të qetë apo një rrugë të ngjeshur të qytetit.

Ujë të ngrohtë

Si ajri i freskët, uji i ngrohtë gjithashtu mund të qetësojë dhe të ndalojë lotët e fëmijës tuaj. Për një ndryshim nga një banjë, provoni ta mbani fëmijën tuaj në krah nën një dush të rrjedhshëm. Vetëm sigurohuni që dushi të jetë i sigurt.

Masazha

Shumica e foshnjave duan të preken, kështu që një masazh mund të jetë gjëja e duhur. Mos u shqetësoni nëse nuk i dini lëvizjet e përsosura – për sa kohë që ato janë të buta dhe të ngadalta, duhet të sjellin rehati./Familja Jonë

Arkiva

Kategoritë