Enj, Shk 25, 2021
Banner Top
Banner Top
Biskota me kanellë, receta aromatike për ta nisur ditën bukur

Shumë aromatike, biskotat me kanellë të bëra në shtëpi janë ideale për ta nisur ditën në mënyrën e duhur, të shëndetshme dhe të ushqyeshme. Shumë të shijshme me kafe, qumësht të ngrohtë ose një filxhan çaj, mund t’i shërbeni edhe me jogurt ose feta molle të pjekur në furrë.

Përbërësit:

360 gr miell

250 gr gjalpë i zbutur

3 lugë kafeje kanellë pluhur

2 lugë gjelle maja pluhur

80 gr sheqer

½ kutie qumësht i kondensuar

125 gr feta molle të thata të grira imët

1 lugë kafeje ekstrakt vaniljeje

Përgatitja:

Ngrohni furrën në 180 gradë, punoni së bashku gjalpin dhe sheqerin në mënyrë që të përftoni një krem homogjen dhe më pas shtoni qumështin e kondensuar dhe ekstraktin e vaniljes. Përziejini derisa përbërësit të homogjenizohen mirë.

Sitni mbi përbërjen miellin, majanë pluhur dhe kanellën, shtoni mollët e thata dhe përziejini derisa përbërja të jetë homogjene.

Prisni biskotat sipas formës që dëshironi dhe futi në furrë. Mjaftojnë 15-20 minuta.

Sipas dëshirës, mund ta zëvendësoni kanellën me xhinxher dhe nëse dëshironi, pas pjekjes mund t’i mbuloni me çokollatë të shkrirë.

Burimi: Living

Arkiva

Kategoritë