Kryetari i Prishtinës, Shpend Ahmeti, ka thënë se dënimet sipas Ligjit për Parandalimin dhe Luftimin e Sëmundjeve Ngjitëse, variojnë nga 1 mijë euro deri në 8 mijë.

“Sot kemi pranuar qarkoren informative nga niveli qendror, lidhur me gjobat për mosrespektim të Urdhëresave dhe Vendimeve në kuadër të masave për parandalimin e shpërndarjes së virusit.

Sipas nenit 53.1 të Ligjit për parandalimin dhe luftimin e sëmundjeve ngjitëse, gjobat janë si në vijim:

1000-2000€ – për person fizik;
3000-8000€ – për person juridik;

Kohë për vërejtje, diskutim e mirëkuptim, nuk ka!

Zbatoni masat!

#rriNshpi“, ka shkruar Ahmeti.