Sun, Oct 20, 2019
Banner Top
A është mishi i kuq i dëmshëm për zemrën tuaj?

Për dekada të tëra, studimet shkencore kanë treguar një lidhje midis ngrënies së mishit të kuq – si viçi, derri dhe qengji – dhe sëmundjeve të zemrës. Kjo është arsyeja pse Shoqata Amerikane e Zemrës inkurajon kufizimin e sasisë së mishit të kuq që hani.

Dhe shumë mjekë, si Stanley Hazen, MD, PhD, Shefi i Sektorit të Kardiologjisë Parandaluese, rekomandojnë dietën mesdhetare, e cila lejon pak mish të kuq.

Sidoqoftë, analiza e re vë në dyshim gjithçka që kemi besuar në lidhje me mishin e kuq.

Autorët e këtyre raporteve të reja thonë se provat që lidhin mishin e kuq me sëmundjet e zemrës (kancerin dhe sëmundjet e tjera) janë relativisht të dobëta. Ata thonë se të dhënat nuk janë mjaft të forta për të dhënë rekomandime dietike.

Doktor Hazen thotë se ka pasur studime të panumërta që tregojnë një lidhje midis ngrënies së mishit të kuq dhe vdekjes nga sëmundjet e zemrës. Saktësisht debatohet se si mishi i kuq kontribuon në sëmundjet e zemrës. Ndoshta ka shumë arsye. Dy kontribues të mundshëm janë niveli më i lartë i kolesterolit dhe yndyrave të ngopura në mishin e kuq.

Të dhënat e reja tregojnë gjithashtu për kolinën dhe karnitinën, lëndë ushqyese të tjera në mishin e kuq. Mikrobet në zorrën tuaj prishin këto lëndë ushqyese, duke gjeneruar TMAO (trimethylamine-N-oksid). Nivele të larta të TMAO në gjakun tuaj rrisin rrezikun për arterie të ngurtësuara, sulm në zemër dhe goditje në tru. Mund të ketë edhe faktorë të tjerë gjenetikë ose mjedisorë, ose një kombinim faktorësh,

Pavarësisht, ekziston një lidhje, thotë doctor Hazen.” Nuk jam plotësisht dakord me raportet e reja që minimizojnë studimet e kaluara dietare. Kjo është për të ardhur keq dhe, besoj, e papërgjegjshme”.

Pavarësisht nga lloji i studimit, ai tregon në mënyrë të vazhdueshme që sa më shumë mish të kuq të hani, aq më i lartë është rreziku juaj afatgjatë për t’u prekur nga sëmundjet kardiovaskulare./Familja Jonë

Banner Content
Tags:

Lajme te ngjajshme

0 Comments

Leave a Comment

Arkiva

Kategoritë