Mar, Mar 26, 2024
Banner Top
Banner Top
A duhet bartur maskën gjatë aktiviteteve fizike?


Nëse ushtroni në shtëpinë tuaj apo gjeni vend jashtë shtëpisë në të cilën lehtë do të mund t’i përmbaheni distancës fizike, maska nuk ju është e nevojshme. Mirëpo, duhet ta mbani me vete kur jeni jashtë në rast që me dikë ju takohen rrugët.


Dr. Rajeev Fernando, infektolog, i cili që nga viti 2014 njihet si një nga mjekët më të mirë të New York-ut, ka shpjeguar që mënyra më e mirë që të shmangni çfarëdo situate të pakëndshme me maskën, është të vendosni për stërvitje në ambient të hapur apo ambiente virtuale.
Nëse jetoni në qytete të mëdha, ku me siguri do të kalojnë pranë shumë njerëz gjatë ushtrimeve, është e domosdoshme të bartni maskën.


Sa do gjatë do ta bartni varet nga intensiteti i ushtrimeve të cilat i bëni, a keni probleme me frymëmarrjen, si edhe nga një sërë faktorësh të tjerë.
Kur jeni duke ecur apo kur ngrini pesha të lehta – barteni!
Për shembull, kur bëni ushtrime të intensitetit të ulët siç është ecja dhe ngritja e peshave të lehta, do të duhej ta bartni maskën gjatë treningut.

“Sasia e kohës për të ushtruar gjatë mbajtjes së maskës së fytyrës do të varet nga intensiteti i ushtrimeve që po bëni dhe nëse nuk ndiheni të kufizuar apo keni probleme me frymëmarrjen”, thekson Robert Quigley, MD.


Derisa jeni duke bërë ushtrime të intensitetit të lartë, siç janë vrapimi dhe ngritja e peshave të rënda, këshillohet që më shpesh të bëni pauza, sepse bartja e maskës gjatë këtyre llojeve të treningut mund t’ju krijojë vështirësi.
Frymëmarrja e rëndë dhe marramendja janë shenja që duhet të ndërprisni treningun…

Është shumë me rëndësi që t’i kushtoni kujdes madje edhe shenjave më të vogla që duhet të ndërprisni treningun, pa marrë parasysh intensitetin e tij.
Shenjat për alarm janë simptomat e marramendjes, frymëmarrja e rënduar apo puna e shpejtuar e zemrës.

Duhet të jenë posaçërisht të kujdesshëm të gjithë ata të cilët kanë sëmundje respiratore apo kardiovaskulare.
Personat e tillë këshillohen të zgjedhin aktivitete sportive gjatë të cilave do të jenë në distancë të sigurt nga të tjerët, andaj vetvetiu nuk do të kenë nevojë për maskë.

Youtube

Arkiva

Kategoritë