Duke e krahasur me periudhën shkurt-mars, mjeku urolog Artan Koni, ka thënë se virulenca e COVID-19 ka rënë.
I ftuar në emisionin ”Kjo Javë” të Nisida Tufës, mjeku Koni i referohet pandemisë në gjithë botën duke thënë se ka rënë fuqia e virusit Sars-Cov-2.
Mjeku sqaron se kjo nuk lidhet me shtimin e rasteve me koronavirus, por me rastet e sotme, të cilat e kalojnë më lehtë se në periudhën shkurt- mars.
”Por kjo nuk është edhe shumë e rëndësishme pasi koronavirusi nuk është më aq i fuqishëm dhe virulent. Rastet kalojnë më lehtë se në shkurt- mars. Vetë virusi në mbarë botën ka zvogëluar këtë, por shtimi i rasteve është krejt gjë tjetër. Italia që ka 20- 30 fishin e popullsisë është krejt situatë tjetër.”- tha Koni.