Mër, Mar 27, 2024
Banner Top
Banner Top
Shoqata e të Drejtave të Pacientëve në Kosovë: Menaxhimi i COVID-19, drejt humbjes së kontrollit

Shoqata e të Drejtave të Pacientëve në Kosovë (PRAK) ka reaguar pas vdekjes së 12 pacientëve dhe konfirmimit të 178 rasteve të reja me COVID-19, duke thënë se kjo tregon gjendjen faktike se institucionet shëndetësore nuk po arrijnë të menaxhojnë fluksin e pacientëve të prekur me këtë sëmundje të rrezikshme.

Siç thuhet në një komunikatë për media, 4 nga 12 pacientët e vdekur, kanë ndërruar jetë si rezultat i problemeve me oksigjen, por kjo mbetet të vërtetohet nga institucionet përgjegjëse, njofton Klan Kosova

PRAK kërkon nga drejtori i SHSKUK-së Basri Sejdiu që të jep dorëheqje ose të shkarkohet nga Bordi i SHSKUK-së për arsye morale dhe t’i jep hapësirë një hetimi të pavarur që do të ishte një satisfaksion moral për familjarët e viktimave.

Për më tepër, PRAK konsideron se masat e lirimit, të rekomanduara nga Instituti Kombëtar i Shëndetësisë Publike dhe të aprovuara nga Ministria e Shëndetësisë, kanë kontribuar që gjendja të bëhet e pa menaxhueshme.

Më poshtë mund të lexoni reagimin e plotë:

Shoqata e të Drejtave të Pacientëve në Kosovë – PRAK vlerëson se menaxhimi i Pandemisë COVID – 19 po shkon drejtë humbjes së kontrollit!

Vdekja e 12 pacientëve dhe konfirmimi i 178 rasteve të tjera të infektuara brenda 24 orëve tregon më së miri që institucionet shëndetësore nuk po arrijnë të menaxhojnë fluksin e pacientëve.

Sipas raportimeve të mediave, 4 nga 12 pacientët e vdekur kanë ndërruar jetë si rezultat i problemeve me Oksigjen. Kjo mbetet të vërtetohet nga institucionet përgjegjëse. Megjithatë, kujtojmë se një problem i ngjashëm ka bërë që ish-Drejtori i SHSKUK – së të jap dorëheqje. Duke e parë që një problem i tillë nuk është rregulluar edhe pas 3 viteve ne konsiderojmë se pesha e përgjegjësisë është edhe më e madhe. Prandaj kërkojmë nga Drejtori i SHSKUK – së që të jap dorëheqje nga pozita, ose të shkarkohet nga Bordi i SHSKUK – së. Jeta e pacientëve nuk duhet të jet kundërvlerë e e çfardo pozite, por kjo duhet të bëhet për arsye morale dhe t’i jep hapësirë një hetimi të pavarur dhe një satisfaksion moral për familjarët e viktimave.

Gjithashtu, ne konsiderojmë se masat e lirimit kundër COVID – 19, të rekomanduara nga Instituti Kombëtar i Shëndetësisë Publike dhe të aprovuara nga Ministria e Shëndetësisë, kanë kontribouar në një situatë ku gjendja bëhet e pa menaxhueshme!

Kalimi nga masa rigoroze në masa tejet liberale pa u ngritur kapacitetet spitalore, ka kontribouar që institucionet të vijnë në prag të kolapsit. Është a pa shpjegueshme që në kohën kur rriteshin rastet e konfirmuara me COVID 19 masat preventive liroheshin edhe më shumë! Edhe më vështirë e shpjegueshme është reduktimi i gjurmimit të kontakte të personave të prekur me Covid 19. Publiku nuk u informua asnjëherë se pse kishte disproporcion të rritjes së numrit të rasteve, lirimit të masave dhe reduktimit të testimeve, edhe pse ishin premtuar testime masive.

Të vlerësosh se rekomandimet do të zbatohen nga qytetarë të cilët për 20 vite nuk kanë marrë edukim shëndetësor është një iluzion! Aq më tepër kur mbikëqyrja e respektimit të masave ka qenë minimale.

Siç është thënë shkarazi, lirimi i masave është bërë për “shëndetin e ekonomisë”. Të vësh në peshore shëndetin publik si kundërvlerë e “shëndetit të ekonomisë” është qasje skajshmërisht e gabuar. Por, përkundër kësaj vërehet që vendi po kthehet në pikën zero ku “shëndeti i ekonomisë” dhe ai publik do të jenë seriozisht të rrezikuar!

Youtube

Arkiva

Kategoritë