Ministri i Shëndetësisë, Armend Zemaj, përmes një postimi në Facebook ka treguar se sot është takuar me Ambasadoren e BE-së në Kosovë, Nataliya Apostolova.
“Me ambasadoren e Bashkimit Evropian në Kosovë, Nataliya Apostolova
ishim në ceremoninë e pranim-dorëzimit të donacionit për COVID-19 në
Institutit Kombëtar të Shëndetit Publik/ IKSHPK.
Zyra e BE-së na dorëzoi donacionin me 6,000 komplete testimi për COVID-19, 90
shtretër spitalorë, mbi 67,000 maska të frymëmarrjes dhe pajisje të tjera
mjekësore për luftimin e COVID-19 në Kosovë. Dërgesa përfshiu edhe 350
oksimetra pulsi në gisht dhe 5 defibrilatorë me pacemaker dhe karrocë. Vlera totale e këtij donacioni është rreth
800 mijë euro, dhe është pjesë e ndihmës së BE-së për Kosovën për përballimin e
pandemisë COVID-19. Furnizimet u prokuruan përmes Zyrës së Kombeve të Bashkuara
për Shërbimet e Projekteve (UNOPS).
Ne në vazhdimësi jemi duke i koordinuar aktivitetet me donatorë të ndryshëm. Jemi të interesuar që shpërndarja të mbërrijë në destinacionin e duhur.
Ky donacion nuk është i vetmi nga BE, është pjesë e kontingjentit që ka arritur më parë dhe që na ka ndihmuar shumë në menaxhimin e pandemisë”, ka shkruar Zemaj.