Në takimin e Komisionit të posaçëm për parandalimin e koronavirusit të udhëhequr nga Kryeministri Albin Kurti, u rekomandua mbyllja e kufijve me vendet fqinje.
Sipas Ministrit të Shëndetësisë, Arbren Vitia, Instituti Kombëtar i Shëndetësisë Publike, ka rekomanduar që një prej mënyrave për të parandaluar koronavirusin është mbyllja e kufinjve me vendet fqinje.
“Duke pasur parasysh situatën epidemiologjike me COVID-19 ditëve të fundit dhe vlerësimin e OBSH-së që konsideron se situata epidemiologjike është me risk shumë të lartë në tërë botën, si dhe shpalljen e pandemisë nga ana e OBSH-së, propozon mbylljen e kufijve nga shtetet fqinjë”, ka thënë Vitia.